Սիստեմատիկ դարձող ահшզանգերը պայթուցիկների մասին շատ լուրջ հարցեր է առաջադրում․ Արդյո՞ք դա արտաքին թշնшմին է, թե․ Սոսի Թաթիկյանի ուշագրավ գրառումը
Սոսի Թաթիկյանը ֆեյսբուքյան էջում գրել է․ «Արդեն սիստեմատիկ դարձող ահшզանգերը պայթուցիկների մասին ավելի ու ավելի մտահոգիչ են դառնում։ Դա անել հենց այն օրը, երբ ԱԻՆ-ն ու ոստիկանությունը զբաղված են Սուրմալուի արդեն իսկ անհասկանալի պшյթյունի հետևանքների վերացմամբ՝ գերծանրաբեռնելով ներքին անվտшնգային համակարգը, շատ լուրջ հարցեր է առաջադրում։
Ո՞վ է կանգնած այդ ահшազանգերի հետևում։ Արդյո՞ք դա արտաքին թշնшմին է, եթե այո, ապա ինչպես է դա նրանց հաջողվում տեխնիկապես, թե՞ իսկապես ներքին թշնամիներ էլ կան երկրում։ Ինչի՞ են ձգտում նրանք հասնել։ Մինչև վերջերս մենք ներքին անվտшնգության իմաստով աշխարհում առաջատարներից էինք։ Արդյոք նպատակը այդ առումով Հայաստանի՝ որպես երկրի վարկանիշը նվազեցնե՞լն է, ցույց տալն է, թե՞ այն ուղղված է իշխանությունների հեղինակության դեմ։ Թե՞ նաև անվտшնգության ծառայությունների ուշադրությունը շեղելը, նրանց գերծանրաբեռնելը, ռեսուրսների վատնումն ու հյուծելն է։ Միգուցե ավելի լուրջ են նպատակները՝ տպավորություն ստեղծել, որ պետական ու անվտшնգային համակարգը չի գործու՞մ, թե Հայաստանն ունի միաժամանակ թե արտաքին ու թե ներքին անվտшնգության խնդիրներ, և ազդել դեպի երկիր տուրիզմի, ինչպես նաև հոգեբանական ահաբեկչության միջոցով մեր՝ բնակիչներիս ապահովության զգացումի վրա։ Կամ այնքան կեղծ ահшզանգեր հնչեցնելը, որ երբ իրական ահազանգ լինի, այլևս լուրջ չընկալվի ու դրա կապակցությամբ բավարար միջոցառումներ չձեռնարկվեն։ Կարճ ասած՝ քաոս ստեղծել ու փորձարկել պետական անվտանգային համակարգի արձագանքման կարողություններն ու դիմադրունակությունը։
Ամեն դեպքում, համբերություն ԱԻՆ-ին, ու ապագա Ներքին գործերի նախարարությանը։ Սակայն ահшզանգերի կառավարման գործում պետք է կարևոր դեր խաղա ԱԱԾ-ն, որի բարեփոխումներում առայժմ տրանսպարենտություն չկա անգամ նեղ մասնագիտացված քաղաքացիական հասարակության ու փորձագիտական համայնքի համար։ Մտահոգիչ կդառնա, եթե չպարզվի, թե ովքեր են այդ ահազանգների հեղինակները, այլ ընդամենը ասվի, որ նրանք հոգեկան առողջության խնդիրներ ունեցող մարդիկ են, քանի որ վերջիններս դժվար թե նման սիստեմատիկ ձևով այդպիսի վնասարար վարքագիծ որդեգրեին»։