400 բեռնատարներ բքի պատճառով խցանման մեջ են հայտնվել

400 բեռնատարներ բքի պատճառով խցանման մեջ են հայտնվել

Մարտի18-ին և լույս 19-ի գիշերը տեղացած առատ ձյունը վտանգավոր վթարային իրավիճակ է ստեղծել Մ6 միջպետական ճանապարհի՝ Վահագնիից մինչև «Սատանի կամուրջ» կոչվող հատվածում: Ծանր բեռնատարների շարասյունը մնացել է ճանապարհին։

Ժամը 12։00-ի դրությամբ չէին կարողանում երթևեկել նաև մարդատար ավտոմեքնաները։ Ճանապարհը խցանված է, իսկ ճանապարհի ձմեռային սպասրակումն իրականացվող կազմակերպության տեխնիկական որևէ միավոր և որևէ աշխատակից չկա:

Արտակարգ իրավիճակների նախարարությունը տեղեկացնում է, որ ՀՀ տարածքում կան փակ և դժվարանցանելի ավտոճանապարհներ։

Փակ են Արագածոտնի մարզում «Ամբերդ» բարձր լեռնային օդերևութաբանական կայանից դեպի Ամբերդ ամրոց և Քարի լիճ տանող ավտոճանապարհները, Բերդ-Ճամբարակ, Վարդենյաց լեռնանցքը, Վայոց ձորի մարզի Ջերմուկ-Գնդեվազ ավտոճանապարհները:

Վայոց ձորի մարզի Սարավան-«Զանգեր», Տավուշի մարզի Դիլիջանի ոլորաններից դեպի Բագրատաշեն ավտոճանապարհները փակ են միայն կցորդիչով բեռնատարների համար, մյուս տեսակի տրանսպորտային միջոցների համար՝ դժվարանցանելի։

Դժվարանցանելի են Սյունիքի մարզի բոլոր, Վանաձոր-Դիլիջան, Շիրակի մարզի Աշոցքի և Ամասիայի, Արագածոտնի մարզի Արագածի տարածաշրջանների,  Ալագյազ-Արթիկ, Ջաջուռ-Քեթի, Արարատի մարզի Լանջառ-Լուսաշող ավտոճանապարհները:

Սյունիքի մարզի Գորիս-Տաթև և Կապան-Տաթև ավտոճանապարհները կցորդիչով բեռնատարների համար անցանելի են միայն անվաշղթաների կիրառման դեպքում։

Արագածոտնի մարզի Ապարանի, Արագածի և Թալինի տարածաշրջանների ավտոճանապարհներին տեղ-տեղ առկա է մերկասառույց:

Գեղարքունիքի մարզում, Սյունիքի մարզի Սիսիան-«Զանգեր» ավտոճանապարհին, Արագածոտնի մարզի Արագածի և Ապարանի, Շիրակի մարզի Աշոցքի, Արթիկի և Ամասիայի տարածաշրջաններում, Ջաջուռ-Քեթի ավտոճանապարհին բուք է, իսկ Վայոց ձոր մարզի լեռնային գոտիներում՝ ձնաբուք:

Սյունիքի, Լոռու, Արագածոտնի և Կոտայքի մարզերում, Տավուշի մարզի Դիլիջան, Շիրակի մարզի Մարալիկ քաղաքներում տեղում է ձյուն։

https://bavnews.am/400-բեռնատարներ-բքի-պատճառով-խցանման-մեջ/

Оставьте комментарий