Թուրքիայի մեծ մեջլիսի քրդամետ «Ժողովուրդների դեմոկրատական կուսակցության» (HDP-ԺԴԿ) հայ պատգամավոր Կարո Փայլանը «Մայրենի լեզվի միջազգային օրվա» կապակցությամբ գրառում է արել Թվիթերում արևմտահայերեն և թուրքերեն , մասնավորապես գրելով:
«Մեր մայրենին մեր պատիւն է։ 21 Փետրուարի Համաշխարհային Մայրենի լեզուի օրը շնորհաւոր ըլլայ», Anadillerimiz onurumuzdur. 21 Şubat Dünya Anadil günü kutlu olsun… – գրել է Թուրքիայի մեջլիսի հայ պատգամավոր Կարո Փայլանը:
Կարո Փայլանը հայազգի քաղաքական գործիչ է Թուրքիայի Մեջլիսի պատգամավոր։ Ստամբուլի Յեշիլքոյ թաղամասում գտնվող հայկական նախակրթարանի հիմնադիր ներկայացուցիչն է։
2015 թվականի ամռանը խորհրդարանական ընտրություններում հաղթելով՝ 3 հայերի հետ անցել է Թուրքիայի Ազգային մեծ ժողով։
Կարո Փայլանի հայկական ընտանիքը ծա գում է Մալաթիայից։ Ավարտել է Ստամբուլի համալսարանի բիզնեսի կառավարման ֆակուլտետը։ Երկար տարիներ աշխատել է հայկական դպրոցում։ Քրդամետ Ժողովուրդների դեմոկրատական կուսակցությամբ անցել է Թուրքիայի Մեջլիս։
2017 թվականի սեպտեմբերի 19-ին Կարո Փայլանին շնորհվել է ԵՊՀ ոսկե մեդալ։
Կարո Փայլանը իր էջում տեղադրել է Հայոց այբուբենը և գրել . «Մեր մայրենին մեր պատիւն է»