Ադրբեջանում Ֆրանսիայի գործերի ժամանակավոր հավատարմատարը հինգշաբթի օրը կանչվել է Ադրբեջանի արտաքին գործերի նախարարություն, որտեղ նրան բողոքի նոտա են հանձնել։ Այս մասին հինգշաբթի օրը հայտարարել է Ադրբեջանի ԱԳՆ-ն։
Հաղորդվում է, որ նոտան դիվանագետին է ներկայացվել դեկտեմբերին Ստեփանակերտ այց կատարած Իլ-դո-Ֆրանս շրջանի ղեկավար, Ֆրանսիայի նախագահի թեկնածու Վալերի Պեկրեսեի կապակցությամբ:
«Նախընտրական քարոզարշավի շրջանակներում ֆրանսիացի քաղաքական գործիչների Արցախյան այցը ուղղված Ադրբեջանի ինքնիշխանության դեմ։ Այդ կապակցությամբ Ֆրանսիայի գործերի ժամանակավոր հավատարմատարը կանչվել է Արտաքին գործերի նախարարություն, և նրան հանձնվել է բողոքի նոտա»,- ասված է Ադրբեջանի ԱԳՆ հաղորդագրության մեջ։
Նշենք , որ Ֆրանսիայի Իլ դը Ֆրանս կենտրոնական շրջանի ղեկավար ՝ Ֆրանսիայի նախագահի թեկնածու Վալերի Պեկրեսի գլխավորած պատվիրակությունը այցելել էր Արցախ , այդ մասին հայտնել էր Վալերի Պեկրեսը տեղադրելով լուսանկարներ:
Բացի այդ Վալերի Պեկրեսը այց էր կատարել Եռաբլուր ՝ ծաղիկներ խոնհարել Արցախյան պшտերшզմի հերոսների շիրիմներին , նաև այց կատարել Ծիծեռնակաբերդ , հարգանքի տուրք մատուցելով 1915 թ.-ի ցեղшս-պանության զ-nհերի հիշատակին:
Իր հերթին ՀՀ Ազգային ժողովի նախագահ Ալեն Սիմոնյանը դեկտեմբերի 21-ին ընդունել էր Վալերի Պեկրեսի գլխավորած պատվիրակությանը:
Ողջունելով հյուրերին՝ ՀՀ ԱԺ նախագահը նշել էր, որ Հայաստան այցելությունների թվով Ֆրանսիան բացարձակ առաջատար է, ինչի հիմքում են երկու ժողովուրդների միջեւ դարավոր բարեկամական հարաբերությունները եւ քաղաքական սերտ փոխգործակցությունը:
Դեկտեմբերի 21-ին ՀՀ նախագահ Արմեն Սարգսյանը նույնպես ընդունել էր Ֆրանսիայի Իլ դը Ֆրանսի շրջանային խորհրդի նախագահ Վալերի Պեկրեսին և նրա գլխավորած պատվիրակությանը:
