«ՀՀ տարածքում որևէ միջանցքի բացումը կամ փակումը Հայաստանի իրավունքն է, ոչ թե Ադրբեջանի». Զատուլին

Հայաստանի տարածքում այս կամ այն միջանցքի բացումը կամ փակումը հենց Հայաստանի ինքնիշխան իրավունքն է, ոչ թե Ադրբեջանի քաղաքական ղեկավարության։ Այս մասին TV Gazeta-ի հետ հարցազրույցում ասել է ՌԴ Պետդումայի պատգամավոր Կոնստանտին Զատուլինը։

Ըստ Զատուլինի՝ Ադրբեջանն այստեղ անելիք չունի: ՛՛Ադրբեջանը զուր է մտածում, որ Թուրքիայի աջակցությունը հանում է իրենից բոլոր հարցերը։ Տարածաշրջանում տարբեր շատ ուժեր կան։ Շատ տարբեր հանգամանքներ կարող են ի հայտ գալ: Ապագան ամբողջությամբ մեզ հայտնի չէ։ Ուստի մի կարծեք, որ ամեն բան այսօր ավարտվեց։

Ինչպես ասում էր Ֆրենսիս Ֆուկույաման. ՛՛Սա պատմության ավարտն է՛՛: Բայց սա պատմության ավարտը չէ։ Ռուսաստանում շատերն են ինձ պես մտածում։ Այս մարդիկ կրում են ոչ միայն հայկական, այլեւ ռուսական ազգանուններ։ Նրանք հիանալի հասկանում են, թե այժմ ինչ է տեղի ունենում՛՛,-նշել է ռուս քաղաքական գործիչը:

«ՀՀ տարածքում որևէ միջանցքի բացումը կամ փակումը Հայաստանի իրավունքն է, ոչ թե Ադրբեջանի». Զատուլին

Оставьте комментарий